TYAM
TYAM – თბილისის ახალგაზრდული სახელოვნებო ბაზრობა, არის პლატფორმა, რომელიც მიზნად ისახავს ახალგაზრდა და ახალბედა, ჯერ არაცნობადი არტისტების მხარდაჭერას მათი კარიერის საწყის და გარდამავალ ეტაპებზე.
პროექტი სტრუქტურირებულია ორ სექციად — 17–25 წლის არტისტები და 25+ უცნობი, ახალბედა არტისტები — და ქმნის სივრცეს, სადაც ახალ ხმებს შეუძლიათ საკუთარი ნამუშევრების წარდგენა, ხილვადობის გაზრდა და დაამყარონ პირდაპირი კავშირი როგორც ადგილობრივ, ისე საერთაშორისო პროფესიონალებთან და სახელოვნებო სფეროს სხვადასხვა წარმომადგენლებთან.
TYAM არ არის მხოლოდ ღონისძიება— ეს არის ღია, დიალოგზე დაფუძნებული გარემო, სადაც არტისტები, კურატორები, გალერისტები და კულტურის სფეროს წარმომადგენლები ერთმანეთს ხვდებიან, ურთიერთობენ და ქმნიან კავშირებს.
პროექტი ორიენტირებულია პრაქტიკულ ცოდნაზე და რეალურ გამოცდილებაზე — როგორ იმოძრაოს და იარსებოს არტისტმა ხელოვნების სფეროში, როგორ წარადგინოს საკუთარი ნამუშევრები, ითანამშრომლოს ინსტიტუციებთან, წარდგეს სხვადასხვა საერთაშორისო გამოფენებზე თუ ბაზრობებზე და ზოგადად შექმნას საკუთარი მდგრადი პროფესიული გზა.
TYAM-ის მიზანია გახდეს გრძელვადიანი პლატფორმა, რომელიც ყოველწლიურად გაიზრდება და ხელს შეუწყობს უფრო მდგრადი არტ-ეკოსისტემის განვითარებას.
TYAM-ის ხედვა
TYAM მოიაზრება როგორც გრძელვადიანი კულტურული პლატფორმა, რომელიც ეძღვნება ახალ, ახალგაზრდა და არარეპრეზენტირებული არტისტების განვითარებას.
ჩვენი ხედვაა:
- შექმნას რეალური შესაძლებლობები კარიერის საწყის ეტაპზე
- ააშენოს ხიდი ადგილობრივ და საერთაშორისო არტ-საზოგადოებებს შორის
- წაახალისოს ცოდნის გაზიარება და მენტორობა
- მხარი დაუჭიროს უფრო ხელმისაწვდომ და ინკლუზიურ არტ-ეკოსისტემას
- შეიტანოს წვლილი რეგიონის კულტურულ განვითარებაში
- TYAM ისწრაფვის გახდეს მდგრადი და განვითარებადი პლატფორმა.
კურატორისგან
თანაარსებობა
TYAM – Tbilisi Youth Art Market წარმოადგენს თანამედროვე პლატფორმას, რომელიც მხარს უჭერს ახალ, დამოუკიდებელ და ნაკლებად წარმოდგენილ არტისტებს, ამავდროულად ხელს უწყობს კავშირების შექმნას სხვადასხვა თაობის შემოქმედებით პრაქტიკებს შორის.
TYAM-ის კურატორული ჩარჩო ეფუძნება თანაარსებობის იდეას. პროექტი არ განიხილავს არტისტებს ასაკის, პროფესიული სტატუსის ან აღიარების მიხედვით. მისი მიზანია შექმნას საერთო სივრცე, სადაც სხვადასხვა გამოცდილება, შემოქმედებითი ხედვა და პროფესიული გზა გვერდიგვერდ იარსებებს.
TYAM თანაბრად მიესალმება როგორც ახალგაზრდა და კარიერის დასაწყისში მყოფ ხელოვანებს, ასევე დამკვიდრებულ არტისტებსა და კულტურის სფეროს წარმომადგენლებს, რომელთა საქმიანობამ მნიშვნელოვანი გავლენა მოახდინა თანამედროვე კულტურულ ცხოვრებაზე. ამ განსხვავებული გამოცდილებების ერთ სივრცეში გაერთიანებით, პლატფორმა ქმნის აღმოჩენის, ურთიერთგაცვლისა და ურთიერთშთაგონების შესაძლებლობას.
პროექტი განსაკუთრებულ ყურადღებას უთმობს იმ არტისტებს, რომლებიც კარიერის ადრეულ ან გარდამავალ ეტაპზე იმყოფებიან, მათ შორის დამოუკიდებელ ხელოვანებს, რომლებიც ტრადიციული გალერიული სისტემის მიღმა მუშაობენ. გამოფენების, ლექციების, პანელური დისკუსიების, პორტფოლიო განხილვებისა და პროფესიული შეხვედრების საშუალებით, TYAM ხელს უწყობს პროფესიულ განვითარებასა და ახალი შესაძლებლობების შექმნას.
თანაარსებობა არ წარმოადგენს თემას, რომელსაც მონაწილე არტისტები თავიანთ ნამუშევრებში აუცილებლად უნდა ასახავდნენ. ის თავად პროექტის კონცეპტუალური საფუძველია — თაობების, მხატვრული ენების, გამოცდილებების, კულტურული მეხსიერებისა და მომავლის შესაძლებლობების თანაარსებობა.
TYAM არის თანამედროვე კულტურული შეხვედრის სივრცე, სადაც დამკვიდრებული და ახალი ხმები, ადგილობრივი და საერთაშორისო პერსპექტივები, განსხვავებული პრაქტიკები და გამოცდილებები ერთიან გარემოში ერთიანდება. სწორედ ამ გზით პროექტი ცდილობს ხელი შეუწყოს ხილვადობას, პროფესიულ განვითარებასა და თანამედროვე ხელოვნების მდგრადი საზოგადოების ჩამოყალიბებას.
საბჭო & მეგობრები
პოლ დუჟარდინი
ლიდია დისლუვერი
ნაზი ნაჟანდი
ჯულია მარშანი
ჩვენი გუნდი
ნინო სურგულაძე
ლიზი ვაჩნაძე
